“ნაცნობი-უცნობი ქუთაისი” – რა ისტორია უკავშირდება ქუთაისში “მონ პლაზირს”

რა ვიცით ქუთაისში იმ ადგილებზე და სხვადასხვა არქიტექტურულ ნაგებობებზე, რომელთაც შესაძლოა ყოველდღე ვხედავთ?
რა ისტორია უკავშირდება თითოეულ მათგანს, რომელსაც გარკვეული საზოგადოებრივი სახელი თავად მოქალაქეებმა და დრომ დაუმკვიდრა.
ნაცნობი-უცნობი ქალაქი ნახეთ „ქუთაისიპოსტ”-ის რუბრიკაში „ნაცნობი-უცნობი ქუთაისი“.
რუბრიკის არსი მდგომარეობს კონკრეტულ ადგილზე მოქალაქეთა ვიდეოგამოკითხვაში – რა იციან გამოკითხვის ობიექტის შესახებ? – ხოლო გამოკითხვის შემდეგ, „ქუთაისიპოსტ”-ზე განთავსდება ინფორმაცია გამოკითხვის ობიექტის ისტორიის შესახებ.
foto 1
ერთად გავიგოთ ქალაქში არსებული ადგილებისა თუ არქიტექტურული ნაგებობების ისტორია.
თვეში ორჯერ (შაბათს) – kutaisispost.wordpress.com-ზე ადევნეთ თვალი ახალ რუბრიკას – „ნაცნობი-უცნობი ქუთაისი“
რუბრიკის მორიგი შეკითხვა გახლდათ: რა ისტორია უკავშირდება ქუთაისში “მონ პლაზირს”?

როგორც “ქუთაისიპოსტმა” მოიკვლია, ქალაქში “მონ პლაზირის” თაღის არსებობა ქართულ კინოს უკავშირდება.
ქუთაისს ქართული კინოს დამაარსებელ ქალაქად მოიხსენიებენ. როგორც ცნობილია, პირველი ქართული სრულმეტრაჟიანი დოკუმენტური ფილმი „აკაკის მოგზაურობა რაჭა-ლეჩხუმში“ 1912 წელს ვასილ ამაშიკელმა გადაიღო, რომლის პრემიერაც ქუთაისში შედგა.სწორედ, კინოს უკავშირდება ქალაქის ცენტრალურ ადგილზე მდებარე თაღის ისტორია. იქ წლების განმავლობაში ქართული კინოფილმების ჩვენები აქტიურად იმართებოდა. რაც შეეხება, თაღში ამოტვიფრულ ფრანგულ სახელწოდებას,
“ქუთაისიპოსტის” მიერ მოკვლეული ინფორმაციის თანახმად, ეროვნული ფილმოგრაფი, კარლო გოგოძე აღნიშნავდა, რომ XX საუკუნის დასაწისში საქართველოში კინოთეატრების მფლობელთა შორის ძალზე იშვიათად თუ შეხვდებოდი ქართველთა გვარებს და გამონაკლისს ამ შემთხვევაში მხოლოდ ქუთაისი წარმოადგენდა.
გაზეთი „კოლხიდა“-ს ინფორმაციით: „ქუთაისში სამი პროჟექტორია, სამივე ქართველებს ეკუთვნით“. იმ დროისთვის ქუთაისში სამი კინოთეატრი არსებობდა: „თამარი“, რომელიც 1911 წელს გაიხსნა კოკოჩაშვილის სახლში ეკუთვნოდა ბ. კოკოჩაშვილსა და სტ. ფირალიშვილს, 1908 წლიდან მოქმედი „რადიუმი“ რომელიც ეკუთვნოდა ტ. ასათიანსა და პ. მეფისაშვილს და 1909 წელს გახსნილი „მონ პლაზირი“.
საქართველოს თეატრის, კინოს, მუსიკისა და ქორეოგრაფიის მუზეუმში ინახება 1900 წლით დათარიღებული აფიშა, რომლის მიხედვით, საზოგადოების თხოვნით ქუთაისში, ქალაქის თეატრში, ხუთშაბათს, 14 სექტემბერს, ცნობილი მოგზაური ჯონ მორისი განმეორებით და უკანასკნელად გამართავდა „ფრიად საყურადღებო და საგანგებო საღამოს”. გამორიცხული არაა, სრულიად ფრანგი მოგზაურის სახელს უკავშირდებოდეს თაღზე ამოტვიფრული “მონ პლაზირი”.
თეკლე მორგოშია

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s